Herpe iz lyupys jau pussadzejuse. Valdis ituos dīnys mani bučoj tikai iz vaidzeņa, ha ha, nagrib iz sovys uodys tū zarazu izbaudēt. Šudin gon īdeve vīnu cīši vīglu bučeņu ar pošim izstīptūs lyupu galenim. Drūsminīks!
Šudin nūgurums, pa dīnu gulieju i mūrguoju. Cīši strāšni jau tī murgi nabeja. Nazynu, mož deļ tam, ka itymuos dīnuos es asu nasķeista sīvīte, tys jau ķermeni nūvuojynoj i vādars ari breižim pasuop, bet nu na jau vīnmār man ir tai. I herpe ari - koč i izlēce kaidu dīnu pyrms mienešreizem, tok mož koč kai ar tū ciklu saisteita tūmār ir. Vīnu breidi godus desmit atpakaļ man cīši bīži beja pasuokušys herpis mestīs - kai mienešreizis, tai herpe, i vēlreiz i vēlreiz. Cīši napateikami. Bet vysstrašnuok man beja 2001.godā puorguojīņa laikā Karpatūs - tod i mienešreizis, i vīnveideiga puortyka, i guleišona teltīs i nūgurums i kašķi ar tuobreiža mīļuokū Juoni - vyss tys kūpā nūvede pi tuo, ka sasametēs man herpis pa lyupom i daže iz byuda dīzgon tuoli nu mutis - tī man pa mīgam beja sīkola aizteciejuse. I tik lelys. Myusim beja vēl vīna meituška grupā - Ita. Tai ari vysa mute beja herpēs, bet myusu treis bīdrim - nikuo. I nikaidu zuoļu pret herpem tože leidza nabeja. Kod tykom uorā nu kolnim - taisnā ceļā iz ukraiņu aptīku!
Bet nu kam ir tys vīruss organismā, tam byus ar jū sadzeivuot! Lai cik uzmaneigs byusi, i vitaminus dzersi, i syti gierbsīs, i pareizi iessi, taipat kaidā breidī tei mauceiba izalaussīs iz uoru!
Super tu raksti latgaliski, iepriekš neko tādu nebiju redzējis. Tiesa gan nepalasīju kārtīgi ,bet kad būs laiks noteikti palasīšu. Tā turpini.
AtbildētDzēstSveiks, Jāni!
AtbildētDzēstTu esi pirmā dzīvā dvesele, kas šo blogu lasījusi (bez manis, protams). Es par to nevienam neesmu stāstījusi :D
Ir vēl blogi latgaliski, piemēram http://raibiis.wordpress.com/ un http://www.naktineica.lv/